عالمی اور مقامی صرافہ مارکیٹ میں سونے اور چاندی کی 2 روز مسلسل قیمتیں بڑھنے کے بعد آج سونے اور چاندی کی قیمتوں میں بڑی کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق جمعہ کے روز 24 کیرٹ فی تولہ سونا 6,500 روپے سستا ہو کر 4,29,136 روپے کا ہوگیا۔
24 کیرٹ 10 گرام سونے کی قیمت 5,573 روپے کمی کے بعد 3,67,914 روپے تک آگئی ہے۔
اسی طرح 22 کیرٹ 10 گرام سونا 5,109 روپے کی کمی سے 3,37,266 روپے میں فروخت ہو رہا ہے۔
بین الاقوامی مارکیٹ میں سونا 65 ڈالر کمی کے ساتھ 4,066 ڈالر فی اونس ہوگیا ہے۔
چاندی کی قیمتوں میں بھی مندی دیکھی گئی۔ 24 کیرٹ فی تولہ چاندی 85 روپے کی کمی کے ساتھ 5,678 روپے، جبکہ 10 گرام چاندی 73 روپے سستی ہو کر 4,867 روپے کی ہوگئی ہے۔
بین الاقوامی مارکیٹ میں چاندی کی قیمت 0.85 ڈالر گھٹ کر 52.00 ڈالر فی اونس ہوگئی ہے۔