عالمی اور مقامی صرافہ مارکیٹ میں سونے اور چاندی کی قیمتوں میں بڑا اضافہ ہوا ہے۔
آل پاکستان صرافہ جیمز اینڈ جیولرز ایسوسی ایشن کے مطابق 24 کیرٹ فی تولہ سونا 13,900 روپے کے اضافے سے 426,036 روپے کا ہوگیا ہے۔
24 کیرٹ 10 گرام سونا 11,917 روپے بڑھ کر 365,257 روپے کا ہوگیا۔
22 کیرٹ 10 گرام سونے کی قیمت 10,925 روپے اضافے کے بعد 334,831 روپے ہوگئی ہے۔
بین الاقوامی مارکیٹ میں سونا 139 ڈالر کے اضافے سے 4,035 ڈالر فی اونس تک پہنچ گیا۔
چاندی کی قیمتوں میں بھی اضافہ دیکھا گیا، جہاں فی تولہ 24 کیرٹ چاندی 295 روپے اضافے سے 5,663 روپے کا ہوگیا۔
عالمی بازار میں چاندی 2.95 ڈالر کے اضافے کے ساتھ 51.85 ڈالر فی اونس ہوگئی۔