ایران کی قومی سلامتی کونسل کے سربراہ محسن رضائی نے امریکا کو خبردار کرتے ہوئے کہا ہے کہ اگر جنگ شروع کی گئی تو ایران کی جانب سے تباہ کن ردعمل دیا جائے گا۔
اپنے ایک بیان میں محسن رضائی نے امریکی صدر ڈونلڈ ٹرمپ کا نام لیے بغیر کہا کہ امریکا جنگ بھی ہار چکا ہے اور الیکشن بھی۔ انہوں نے امریکی انتظامیہ پر شدید تنقید کرتے ہوئے دعویٰ کیا کہ نائب صدر جے ڈی وینس شکست تسلیم کرچکے ہیں جبکہ وزیر خارجہ مارکو روبیو عہدہ چھوڑنے کی تیاری کر رہے ہیں۔
محسن رضائی نے مزید دعویٰ کیا کہ امریکی وزیر دفاع پیٹ ہیگسیتھ کو بھی عہدے سے ہٹایا جا سکتا ہے۔ ان کا کہنا تھا کہ امریکی سینٹرل کمانڈ (سینٹکام) کے کمانڈر اب پوڈ کاسٹر بن چکے ہیں۔
ایرانی عہدیدار نے واشنگٹن کو مخاطب کرتے ہوئے کہا کہ امریکی قیادت تک یہ پیغام پہنچایا جائے کہ ایران کے خلاف جنگ چھیڑنے کا نتیجہ انتہائی تباہ کن ہوگا۔