لاہور رائیونڈ سٹی کے علاقے چنار باغ سوسائٹی کے قریب گھریلو ناچاقی پر شوہر کی فائرنگ سے بیوی اور کمسن بیٹی جاں بحق جبکہ سسر شدید زخمی ہوگیا، واقعے کے بعد ملزم فرار ہونے میں کامیاب ہوگیا۔
پولیس کے مطابق ارسلان نامی شخص نے گھریلو تنازع کے دوران فائرنگ کرکے اپنی 32 سالہ بیوی نازیہ اور 6 سالہ بیٹی عائشہ کو قتل کر دیا، جبکہ فائرنگ کی زد میں آکر 60 سالہ سسر مقبول زخمی ہوگیا۔
زخمی مقبول کو فوری طبی امداد کے لیے رائیونڈ اسپتال منتقل کردیا گیا، جبکہ پولیس نے جائے وقوعہ سے شواہد اکٹھے کرکے دونوں مقتولین کی لاشیں پوسٹ مارٹم کے لیے مردہ خانے منتقل کردیں۔
پولیس کا کہنا ہے کہ دہرے قتل کی واردات کے بعد ملزم ارسلان موقع سے فرار ہوگیا، جس کی گرفتاری کے لیے تلاش شروع کردی گئی ہے۔ ملزم کی نقل و حرکت کا سراغ لگانے کے لیے سیف سٹی کیمروں کی مدد بھی حاصل کی جا رہی ہے۔