بلوچستان کے ضلع کیچ کے علاقے دشت میں سیکیورٹی فورسز نے خفیہ اطلاعات کی بنیاد پر کارروائی کرتے ہوئے فائرنگ کے تبادلے میں 2 دہشت گردوں کو ہلاک کردیا۔
ذرائع کے مطابق سیکیورٹی فورسز نے علاقے میں دہشت گردوں کی موجودگی کی اطلاع پر انٹیلی جنس بیسڈ آپریشن کیا، اس دوران شدید فائرنگ کا تبادلہ ہوا جس کے نتیجے میں 2 دہشت گرد مارے گئے۔
ذرائع کا کہنا ہے کہ کارروائی کے بعد ہلاک دہشت گردوں کے قبضے سے جدید اسلحہ، کمیونیکیشن آلات اور نقدی برآمد کی گئی، برآمد ہونے والی رقم میں مبینہ طور پر عام بلوچ شہریوں سے لوٹی گئی رقم بھی شامل ہے۔
آپریشن کے بعد علاقے میں سرچ اور کلیئرنس کارروائی جاری ہے تاکہ دہشت گردوں کے ممکنہ ٹھکانوں اور دیگر سہولت کاروں کا سراغ لگایا جاسکے۔