فیلڈ مارشل عاصم منیر سے ایرانی وزیر خارجہ عباس عراقچی کی اہم ملاقات

image

فیلڈ مارشل عاصم منیر سے ایرانی وزیر خارجہ عباس عراقچی کی قیادت میں اعلیٰ سطح کے ایرانی وفد نے ملاقات کی، جس میں علاقائی سلامتی، بدلتی جیو پولیٹیکل صورتحال اور مشترکہ سیکیورٹی چیلنجز پر تبادلہ خیال کیا گیا۔

آئی ایس پی آر کے مطابق فیلڈ مارشل نے خطے میں امن و استحکام کے لیے پاکستان اور ایران کے درمیان مسلسل رابطوں، باہمی اعتماد اور قریبی تعاون کی اہمیت پر زور دیا۔

ملاقات میں ایرانی وزیر خارجہ نے علاقائی امن کے لیے پاکستان کے تعمیری کردار کو سراہا، جبکہ دونوں ممالک نے دوطرفہ تعلقات مزید مضبوط بنانے کی خواہش کا اظہار کیا۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US