کیا 320 کلو وزنی نورالحسن کا وزن کم ہو سکے گا؟

ویب ڈیسک — 

پاکستان کے شہر صادق آباد کے رہائشی نور الحسن کو علاج کے لیے لاہور کے شالامار ہسپتال منتقل کیا گیا ہے، نور الحسن کا وزن 320 کلو گرام ہے اور پاکستان کے آرمی چیف کی ہدایت پر بذریعہ فوجی ہیلی کاپٹر لاہور منتقل کیا گیا ہے۔

نور الحسن نے ایک ویڈیو پیغام کے ذریعے پاکستان کے آرمی چیف قمر جاوید باجوہ سے اپیل کی تھی کہ ان کا علاج کروایا جائے۔

نور الحسن کا وزن اتنا زیادہ ہے کہ انھیں لاہور منتقل کرنے کے لیے گھر کی بیرونی دیوار توڑ کر نکالا گیا، جبکہ ہیلی پیڈ تک انھیں مال بردار گاڑی کے ذریعے پہنچایا گیا۔

ڈاکٹرز کے مطابق "لیپرو سکوپی" کے ذریعے ساٹھ سالہ نور الحسن کا وزن کم کیا جائے گا، اس عمل میں مریض کے معدے کا حجم کم کر دیا جاتا ہے۔

نور الحسن کی سرجری کرنے والے ڈاکٹر معاز الحسن کا کہنا ہے کہ ان کی سرجری میں کچھ دن لگ سکتے ہیں، نور الحسن کے دل اور خون سمیت مختلف ٹیسٹس لیے جا رہے ہیں جس کے بعد تعین ہو گا کہ ان کی سرجری کس وقت سود مند ہو گی۔

ڈاکٹر معاذ الحسن کے مطابق تین ماہ سے نور الحسن ان کی تجویز کردہ ادویات استعمال کر رہے تھے جس سے ان کے وزن میں تیس کلو گرام کمی آئی ہے۔

ڈاکٹرز کے مطابق کامیاب سرجری کی صورت میں آئندہ ڈیڑھ سے دو سال میں نور الحسن کا وزن ڈیڑھ سے دو سو کلو گرام ہو جانے کی امید ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.