اولمپیئن اصلاح الدین کا آڈیٹر جنرل کے نوٹس کا جواب

اولمپیئن اصلاح الدین نے آڈیٹر جنرل کے دو کروڑ گرانٹ کے نوٹس کا جواب دے دیا۔

سابق اولمپئن نے یہ تسلیم کیا کہ روپے انہی کے اکائونٹ میں ہیں کہتے ہیں سندھ حکومت سے ملنے والی گرانٹ بینک اکاؤنٹ میں جمع ہے۔

 اپنے ویڈیو پیغام میں سابق اولمپئن اصلاح الدین نے کہا کہ سندھ حکومت کی جانب سے پانچ برس قبل ملنے والے دو کروڑ روپے سود سمیت بینک اکاؤنٹ میں موجود ہے اور ہم نے فیصلہ کیا ہے کہ 6 جنوری 2014 کو ملنے والے دو کروڑ روپے اور اس پر لگنے والا سود اب کھلاڑیوں کی فلاح و بہبود پرخرچ کیا جائے گا۔

یاد رہے محکمہ کھیل سندھ کے سیکریٹری کی جانب سے اصلاح الدین سے ایم اے شاہ ہاکی اکیڈمی کراچی کو جاری کردہ دو کروڑ روپے کی آڈٹ رپورٹ مانگی تھی جس پرآڈیٹر جنرل کے آڈٹ اعتراضات کے بعد اس معاملہ کو دوبارہ اٹھایا گیا تھا۔

سابق اولمپئن  کو 2014 میں محکمہ کھیل سندھ کے اس وقت کے سیکریٹری لئیق احمد کی جانب سے دو کروڑ روپے کا چیک ایم اے شاہ ہاکی اکیڈمی کراچی کے لئے دیا گیا تھا۔

ہاکی سیریز: پہلے میچ میں پاکستان نے عمان کو شکست دے دی

بعدازاں دو کروڑ روپے کی گرانٹ کراس چیک نمبر (9736118) کے زریعے 6 نومبر 2014 کو دی گئی تھی۔ جس پر آڈیٹر نے اعتراض اٹھاتے ہوئے پیرا نمبر31.4.3 کی سیشن 14(2)اینڈ(3) آڑڈنیس 2001 کے تحت اٹھائے ہیں جس کا کوئی حساب گزشتہ پانچ سالوں میں اصلاح الدین کی جانب سے جمع نہیں کرایا گیا تھا۔

آڈیٹر جنرل کی جانب سے بینک میں جمع کرائی گئی رقم کے پانچ سال کے منافع کے ساتھ جمع کرانے کا نوٹس بھیج دیا گیا۔

واضح رہے کہ اولمپئن اصلاح الدین ،ایس ایم اے شاہ ہاکی اکیڈمی کے چیئرمین، ڈاکٹر جنید علی شاہ صدر، اختر الاسلام سیکریٹری اور اولمپئن ایاز محمود خازن ہیں جبکہ ان تمام لوگوں کو محکمہ کھیل سندھ کی جانب سے نوٹس جاری کئے گئے تھےلیکن جواب صرف اصلاح الدین نے جمع کرایا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.