پاکستان اسٹاک ایکسچینج کا چائنا کے ساتھ مشترکہ ٹریڈنگ کا معاہدہ

پاکستان اسٹاک ایکسچینج نے برادر ملک چائنا کے ساتھ مشترکہ ٹریڈنگ کا معاہدہ کرلیا۔

سی سی او پاکستان اسٹاک مارکیٹ سلیمان مہدی نے پریس کانفرنس کرتے ہوئے بتایا کہ پاکستان اسٹاک ایکسچینج نے 72 سالہ تاریخ میں اہم سنگ میل عبور کرتے ہوئے چائنا کے ساتھ مشترکہ ٹریڈنگ کا معاہدہ کرلیا ہے۔

سلیمان مہدی نے بتایا کہ یہ ٹریڈنگ پلیٹ فارم اپنے پارٹنر سینجن اسٹاک مارکیٹ سے لیا جارہا ہےکیونکہ دیگر ممالک کی نسبت ان کی شرائط بہتر اور آسان ہیں ۔

انہوں نے کہا کہ لمبے عرصے کی ٹریڈنگ کے لئے ہر پانچ سال بعد لائسنس کی تجدید ضروری نہیں ہے۔

سلیمان مہدی نے بتایا  کہ معاہدےکا مجموعی حجم 28 لاکھ 50 ہزار ڈالرز پر مشتمل ہے جس کی ادائیگی آسان شرائط پر پانچ سال میں کی جائے گی ۔

سی سی او پاکستان اسٹاک مارکیٹ نے کہا کہ سینجن دنیا کی تیسری بڑی اسٹاک مارکیٹ ہےجہاں ایک دن میں 40 لاکھ سودے ہوتے ہیں جبکہ ایک سیکنڈ میں دو ہزار سودے بک کئے جاتے ہیں۔

ایک سوال پر سلیمان مہدی نے وضاحت دیتے ہوئے کہا کہ کسی بھی معاہدے کے لئے چیئرمین اور سی ایس او کا عہدوں پر ہونا ضروری نہیں ،امید ہے نئے سی ایس او کی تقررری اگلے ماہ ہوجائے گی۔

انہوں  نے بتایا کہ چائنا کے سرمایہ کاروں کو ہماری ایکسچینج میں سرمایہ کاری کے لئے چینی حکومت سے پہلے اجازت لینا ہوتی ہے ۔

سی سی او پاکستان اسٹاک مارکیٹ نے کہا کہ پاکستان اسٹاک مارکیٹ کے پاس سرویلنس سسٹم نہیں ہے ،لوکل سسٹم پر ٹریڈنگ ہوتی ہے۔

سلیمان مہدی نے کہا کہ اس سے قبل ہماری 3 لاکھ سے زیادہ اسٹاک مارکیٹ آرڈرز کی صلاحیت ممکن نہیں تھی تاہم اس سسٹم سے یہ استعداد بہت زیادہ بڑھ جائے گی ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.