حال ہی میں ایک دعوت ولیمہ کی تقریب میں وزیر سائنس اینڈ ٹیکنالوجی فواد چودھری نے سینئر اینکر پرسن کو تھپڑ مار دیا۔ یہ دعوتِ ولیمہ کی تقریب محسن لغاری کے بیٹے کی تھی جہاں جہانگیر ترین سمیت دیگر پارٹی ورکرز بھی موجود تھے۔
ذرائع کے مطابق وفاقی وزیر فواد چودھری نے سینیر اینکر مبشر لقمان کو تھپڑ مارے اور دھکا دے کر انہیں نیچے گرا دیا، جس کے بعد دونوں گتھم گتھا ہوگئے۔ فواد چوہدری کے گارڈز نے بھی مبشر لقمان کو تشدد کا نشانہ بنایا- تقریب میں موجود دیگر شخصیات نے دونوں میں بیچ بچاؤ کرایا۔
سینئر صحافی مبشر لقمان نے وفاقی وزیر برائے سائنس اینڈ ٹیکنالوجی فواد چودھری کے خلاف لاہور کے تھانہ ماڈل ٹاؤن میں درخواست دائر کردی ہے۔ مبشر لقمان کا کہنا ہے کہ میرے ساتھ یہ بہت بڑی زیادتی ہوئی ہے، فواد چودھری کے خلاف سخت کارروائی کی جائے۔