4 روز قبل کراچی کے علاقے قائد آباد میں ایک واقعہ پیش آیا جس میں شادی کی تقریب میں ایک شخص کی جانب سے شدید ہوائی فائرنگ کی گئی۔
تفصیلات کے مطابق چار روز قبل قائد آباد کے علاقے گرین سٹی میں شادی کی تقریب میں شدید ہوائی فائرنگ کی گئی جس کی ایک ویڈیو سوشل میڈیا پر وائرل ہوئی۔ ویڈیو میں ایک شخص دونوں ہاتھوں سے پستول اٹھائے انتہائی مہارت سے شدید ہوائی فائرنگ کر رہا ہے۔
پولیس ذرائع کے مطابق فائرنگ کرنے والا نوجوان قائد آباد میں ایک ہوٹل کا مالک ہے جس کے بعض سیاسی رہنماؤں سے انتہائی قریبی دوستانہ بھی ہے۔
ایس ایس پی ملیر سید علی رضا نے بتایا کہ ہوائی فائرنگ میں ملوث ایک نوجوان کو آج صبح ساڑھے تین بجے گرفتار کر لیا گیا ہے جبکہ دیگر ملزمان کے تعاقب میں چھاپے مارے جا رہے ہیں۔