یوں تو سانپ وہ جانور ہے جس سے ہر کوئی دور ہی رہنا پسند کرتا ہے لیکن چند خطروں کے کھلاڑی افراد ایسے بھی ہوتے ہیں جنہیں سانپ کا شکار باآسانی کرتے دیکھا جا سکتا ہے۔ کچھ لوگ شوقیہ سانپ کا شکار کرتے ہیں جبکہ کچھ سانپ کو پکڑ کے مختلف تجربات کرتے دِکھائی دیتے ہیں۔
حال ہی میں آسٹریلیا کے شہر برسبین سے جہاں بڑی تعداد میں مختلف نسل کے سانپ پائے جاتے ہیں، ایک ویڈیو وائرل ہوئی۔ ویڈیو میں موجود سانپ کا وزن 12 کِلو گرام جبکہ لمبائی 3 میٹر تھی۔
یہ ویڈیو غالباً سانپ پکڑنے والے نے بنائی تھی تاہم اس میں دیکھا جا سکتا ہے کہ کس طرح ناقابلِ یقین رفتار سے غصیلے سانپ نے 5 سیکنڈز کے اندر کیمرے پر جھپٹا مارا جِس سے کیمرہ اور ویڈیو بنانے والا تو بال بال بچ گیا لیکن سانپ کی جانب سے اپنائے گئے خوفناک ردّ عمل کا منظر کیمرے کی آنکھ نے محفوظ کر لیا۔