گزشتہ سال ایسی اطالاعات سامنے آرہی تھیں کہ پاکستان کے سابق لیجنڈ کرکٹر وسیم اکرم جلد ہی کھیل اور فیشن شوز کے بعد فلمی دنیا میں قدم رکھیں گے۔
تاہم اب وسیم اکرم کی اہلیہ شنیرا اکرم نے بھی اپنی اور اپنے شوہر وسیم اکرم کی پہلی فلم سے متعلق تصدیق کرتے ہوئے بتایا کہ انہیں ڈیبیو فلم کی شوٹنگ کے دوران بہت مشکلات کا سامنا رہا۔
سابق فاسٹ باؤلر وسیم اکرم کی اہلیہ شنیرا اکرم نے انسٹاگرام پوسٹ میں بتایا کہ ان کی نئی آنے والی فلم ’منی بیک گارنٹی‘ کی شوٹنگ کے دوران کئی رکاوٹیں سامنے آئیں۔
شنیرا نے شوٹنگ کے دوران کھچوائی گئی اپنی 2 تصاویر شیئر کرتے ہوئے شوٹنگ کے حوالے سے بتایا کہ وہ دونوں 12 تک اپنی نیند پوری نہیں کر سکے۔
فلم منی بیک گارنٹی میں وسیم اکرم اور شنیرا کے علاوہ دیگر کاسٹ میں میکال ذوالفقار، فواد خان، کرن ملک، فیصل قریشی، وسیم اکرم، جاوید شیخ، حنا دلپذیر، افضل خان (جان ریمبو) اور مانی جیسے اداکار بھی جلوہ گر ہوں گے۔
ساتھ ہی شنیرا اکرم نے بتایا کہ انہیں اداکار فیصل قریشی اور ان کی ٹیم کے ساتھ کام کرکے بہت اچھا لگا اور کام کے دوران انہیں بہت کچھ سیکھنے کو بھی ملا۔
اطلاعات ہیں کہ شنیرا اور ان کے شوہر وسیم اکرم فلم کے کچھ مناظر میں نظر آئیں گے۔
خیال رہے کہ فلم کی شوٹنگ کا کام کراچی سمیت بیرون ملک بھی انجام دیا جائے گا اور فلم رواں برس کے آخر تک ریلیز کر دی جائے گی۔