بالی ووڈ انڈسٹری کے نامور اداکار شتروگھن سنہا کی ایک ویڈیو وائرل ہو رہی ہے جس میں وہ لاہور میں ایک شادی کی تقریب میں موجود ہیں۔
گزشتہ سال پلوامہ حملے کے بعد سے پاک بھارت تعلقات نہایت کشیدہ ہو گئے ہیں یہاں تک کہ بھارت نے پاکستانی فنکاروں اور گلوکاروں پر پابندی عائد کر دی ہے۔ تاہم اس صورتحال کے باوجود بھی بالی ووڈ اداکار اور سیاستدان شتروگھن سنہا کا پاکستان کے شہر لاہور میں موجود ہونا تعجب کی بات ہے۔
ویڈیو میں دیکھا گیا کہ اسی شادی کی تقریب میں پاکستانی فلمسٹار ریما خان بھی موجود ہیں۔ ویڈیو میں دونوں اداکاروں کو ایک ساتھ فوٹو سیشن کے دوران تصاویر بنواتے ہوئے بھی دیکھا جا سکتا ہے۔
سوشل میڈیا صارفین بھارتی اداکار کو پاکستان میں دیکھ کر حیرانی اور خوشی کا اظہار کرتے ہوئے کہہ رہے ہیں کہ شتروگھن سنہا کو پاکستان میں دیکھ کر خوشی ہو رہی ہے۔ بعض لوگ تو یہ ماننے کو تیار ہی نہیں ہیں کہ یہ شترو گھن سنہا ہیں جب کہ کچھ لوگوں کا کہنا ہے کہ یہ شتروگھن سنہا کی ماسٹر کاپی ہیں۔ کچھ سوشل میڈیا صارفین نے تشویش ظاہر کرتے ہوئے کہا کہ کہیں یہ ویڈیو مودی نہ دیکھ لے۔