امریکی صدر ڈونلڈ ٹرمپ اپنی اہلیہ کے ہمراہ آج دو روزہ دورے پر بھارت پہنچیں گے۔ جہاں وہ بھارت کے وزیر اعظم نریندر مودی سے ملاقات کے دوران پاکستان سے کشیدگی کم کرنے پر زور دیں گے۔
ٹرمپ دورہ بھارت کے دوران اقتصادی، فوجی، معیشی اور خطہ کے سب سے اہم مسئلے یعنی مسئلہ کشمیر سے متعلق بات چیت پر غور کریں گے۔۔
ٹرمپ اور انکی اہلیہ بھی آگرہ تاج محل کے دیوانے نکلے۔ جہاں انہوں نے تاج محل دیکھنے کی خواہش کا اظہار کیا وہیں بھارتی دارالحکومت دہلی میں کچرا چھپاؤ مہم کا آغاز کردیا گیا۔۔ کچرا چھپانے کے لئے مودی سرکار نے دیوار کی چنائی کروا دی۔
دوسری جانب سیاسی کچرا بھی دہلی سمیت ملک بھر میں نکل آیا ہے جگہ جگہ مظاہرے پھوٹ پڑے ہیں۔ خواتین شہریت بل کے خلاف سراپا احتجاج ہوئیں تو بی جے پی کے انتہا پسند وں نے ان پر پتھراؤ کیا جس سے دارالحکومت میدان جنگ بن گیا۔
حکام کے مطابق بھارتی سرکار کی ہر ممکنہ کوشش ہے کہ ٹرمپ کا یہ دورہ کامیاب بنایا جاسکے مگر ملکی صورتحال کے پیش نظر حالات کو موئثر بنانا قدرے مشکل ہوگیا ہے۔