سعودی عرب کے وزیر توانائی شہزادہ عبدالعزیز بن سلمان نے آسٹریا کے دارالحکومت ویانا میں بین الاقوامی جوہری توانائی ایجنسی (IAEA) کی جنرل کانفرنس سے خطاب کرتے ہوئے اعلان کیا ہے کہ مدینہ منورہ کے علاقے میں یورینیم پر مشتمل 11 کروڑ ٹن خام معدنی ذخائر دریافت ہوئے ہیں۔
غیر ملکی خبر رساں ایجنسی اور سعودی سرکاری ٹیلی ویژن کے مطابق، وزیر توانائی کا کہنا تھا کہ یہ اہم انکشاف مدینہ منورہ میں جبل صاید پراجیکٹ کے تحت کی گئی کھدائی اور ارضیاتی تحقیق کے نتیجے میں سامنے آیا ہے۔
دریافت ہونے والے تقریباً 11 کروڑ ٹن خام مال کے تخمینہ شدہ وسائل میں نایاب معدنیات کے ساتھ ساتھ یورینیم کے ذخائر بھی شامل ہیں۔