امریکی اراکین کانگریس کی نئی دہلی میں مسلمانوں کےخلاف پرتشدد واقعات کی مذمت

بھارت کے دارالحکومت نئی دہلی میں مسلمانوں کے خلاف پرتشدد واقعات کی امریکی اراکین کانگریس  نے شدید الفاظ   میں  مذمت کی ہے۔

           خیال رہے کہ  گزشتہ چند روز کے دوران پیش آنے والے پرتشدد واقعات میں کم سے کم 20  افراد کی ہلاکت پرردعمل ظاہر کرتے ہوئے امریکی خاتون رکن کانگریس  پرامیلا جیاپال  نےکہا کہ بھارت میں مذہبی عدم برداشت کا بڑھنا انتہائی خطرناک ہے۔

 رکن کانگریس Alan Lowenthal نے کہا کہ ہمیں بھارت میں انسانی حقوق کے حوالے سے لاحق خطرات کے خلاف آواز بلند کرنی چاہیے۔

ڈیموکریٹک صدارتی امیدوار اورسینیٹر ایلزبتھ وارن  نے کہا کہ پرامن مظاہرین کےخلاف تشدد ناقابل قبول ہے۔

 رکن کانگریس راشدہ طالب نے اپنے ٹویٹ میں کہاکہ ہم دہلی میں مسلمانوں کےخلاف فرقہ ورانہ فسادات پر خاموش نہیں رہ سکتے۔

 بین الاقوامی مذہبی آزادیوں کے بارے میں امریکی کمیشن نے اپنے ایک ٹویٹ میں کہاکہ نئی دہلی میں ہجوم کی طرف سے مسلمانوں کے خلاف پرتشدد حملے خطرے کا باعث ہیں۔

انہوں نے مودی حکومت پر زور دیا کہ وہ بلوائیوں پر قابو پائے اور مذہبی اقلیتوں کو تحفظ فراہم کرے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.