کورونا وائرس نے دنیا بھر کے ماہرین کو بوکھلا کے رکھ دیا ہے۔ یہ وائرس تیزی سے ایک سے دوسرے فرد میں منتقل ہوتا ہے۔
دنیا بھر کے ماہرین اس سے بچاؤ کے طریقے دریافت کرنے میں لگے ہوئے ہیں جبکہ حال ہی میں کورونا وائرس کی جلد تشخیص کے لیے اسٹرپ تیار کر لی گئی ہے۔
برطانوی ویب سائٹ ڈیلی میل کے مطابق یہ اسٹرپ جاپان کے ماہرین نے بنائی ہے۔ یہ اسٹرپ صرف 15 منٹ میں کورونا وائرس کو تشخیص کر سکتی ہے۔ جاپان کی نجی کمپنی نے یہ اسٹرپ چین کی ایک کمپنی کے تعاون سے تیار کی ہے اور امکان ہے کہ چین میں یہ پہلے ہی استعمال کی جا رہی ہے۔
مذکورہ اسٹرپ سے کورونا وائرس کی تشخیص کے لیے مریض کے خون کے نمونے اور ایک کیمیائی محلول کی ضرورت ہوتی ہے جسے مکس کرنے کے بعد یہ اسٹرپ ایک سرخ لائن ظاہر کرتی ہے۔ موصول ہونے والی لائن سے کورونا وائرس کی تشخیص صرف 15 منٹ میں کی جاسکتی ہے۔
واضح رہے اس وقت کورونا وائرس کی تشخیص کے لیے جدید ترین طریقہ 6 سے 8 گھنٹے کا وقت لیتا ہے۔