حکومت کا کرونا وائرس کی پیش نظر اقتصادی پیکج کا اعلان

اسلام آباد: (25 مارچ 2020) حکومت نے کرونا وائرس کی پیش نظر اقتصادی پیکج کا اعلان کردیا۔ مزدوروں اور محنت کشوں کیلئے 200 ارب روپے رکھے گئے ہیں، جبکہ ایک کروڑ بیس لاکھ خاندانوں کو مالی امداد دی جائے گی۔

مشیر خزانہ عبد الحفیظ شیخ نے کہا ہے کہ اقتصادی پیکج کا کل حجم سوا کھرب روپے ہے۔ مزدوروں اور محنت کشوں کیلئے 200 ارب روپےرکھے ہیں۔ ایکسپورٹ انڈسٹری کیلئے 100 ارب روپے کے ٹیکس ری فنڈ فوری دیں گے۔ زرعی شعبے کی ترقی کیلئے 100 ارب روپے خرچ کیے جائیں گے۔ کھاد کی قیمت میں مزید کمی لائی جائے گی۔

انہوں نے کہا کہ صوبوں کو این ایف سی کے ذریعے تاریخ میں سب سے زیادہ پیسے دیئے گئے۔ کرنٹ اکاؤنٹ خسارہ بیس ارب سے کم ہو کر تین ارب رہ گیا۔

عبدالحفیظ شیخ نے مزید کہا کہ کرونا وائرس کے باعث معیشت پر برے اثرات پڑنے کا خدشہ ہے۔ ملک میں اقتصادی سرگرمیاں کم ہوں گی، ٹیکس محصولات میں کمی آئے گی اور ترسیلات زر میں بھی کمی کا امکان ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.