کورونا وائرس کی وجہ سے جہاں تمام لوگ اپنے گھروں میں محصور ہیں تو وہیں کچھ لوگ ایسے بھی ہیں جو عوام کی خاطر اپنی جان کی پرواہ کئے بغیر سڑکوں پر دن رات تعینات ہیں۔ جی ہاں یہاں بات ہو رہی ہے کراچی پولیس، رینجرز اور ٹریفک پولیس کے جوانوں کی جو اس مشکل لمحات کا ڈٹ کر مقابلہ کر رہے ہیں۔
حال ہی میں دیکھا گیا کہ فیروز خان، عاصم جوفا، نومی انصاری، علی ظفر، اور مایا علی جیسے پاکستانی مشہور اداکار و گلوکار بھی ضرورت مند افراد کی مدد کرنے کے لئے اپنا بھرپور کردار ادا کر رہے تھے۔
اسی طرح معروف اسکالر اور میزبان ڈاکٹر عامر لیاقت حسین نے بھی حقیقی ہیروز کی ستائش کرنے کے لئے بہترین مظاہرہ پیش کیا۔ انہوں نے اپنی رہائش گاہ کے قریب پولیس اور رینجرز کے اہلکاروں میں بریانی تقسیم کی۔
ساتھ ہی ان کی اہلیہ طوبیٰ عامر کو بھی ضرورتمندوں کو سامان تقسیم کرتے دیکھا گیا۔
کورونا وائرس جیسی وبا سے نمٹنے کے لئے ڈاکٹر ، نرسیں ، طبی عملہ ، پولیس اور رینجرز انتہائی اہم کردار ادا کررہے ہیں۔ وہ ہر روز لاکھوں خاندانوں کی سلامتی کو یقینی بنانے کے لئے اپنی جانوں کو خطرے میں ڈال رہے ہیں۔ ایسے موقعوں پر ہمیں ان کی حوصلہ افزائی کرنی چاہئے اور ان کی ہمت کو سراہنا چاہئے۔