آج کل دنیا بھر کے کئی ممالک میں لاک ڈاؤن ہے اِسی لیے لوگ اپنے گھروں میں محصور ہیں۔ موجودہ صورتحال کے پیشِ نظر لوگ سماجی رابطوں کی ویب سائٹ پر دلچسپ سرگرمیاں انجام دے رہے ہیں جن میں بڑی تعداد میں شوبز انڈسٹری سے تعلق رکھنے والے اداکار شامل ہیں۔
اسی حوالے سے بالی ووڈ کی سپر اسٹار دپیکا پڈوکون نے بھی اپنے انسٹاگرام اکاؤنٹ کے ذریعے لوگوں کو اپنے پسندیدہ گانوں کی لسٹ سے آگاہ کیا۔
پاکستانی مداحوں کی اس وقت خوشی کی انتہا نہ رہی جب اداکارہ نے اس لسٹ میں کوک اسٹوڈیو کا ایک گانا بھی شامل کیا۔ لیکن کیا آپ جانتے ہیں کہ وہ کون سا گانا تھا؟
کوک اسٹوڈیو کے ساتویں سیزن میں شامل عابدہ پروین اور راحت فتح علی خان کی آواز میں امیر خسرو کا صوفی کلام 'چھاپ تلک سب چھین لی' دپیکا کے بہترین گانوں میں شامل ہے۔