کراچی: ملک بھر میں سونے کی قیمت ایک لاکھ 2 ہزار روپے کے ساتھ تاریخ کی نئی بلند ترین سطح پر پہنچ گئی۔
تفصیلات کے مطابق عالمی بلین مارکیٹ میں فی اونس سونے کی قیمت 12ڈالر کے اضافے سے 1748 ڈالر کی سطح تک پہنچنے کے باعث مقامی صرافہ بازاروں میں بھی پیر کو فی تولہ اور فی دس گرام سونے کی قیمتوں میں بالترتیب 1200 روپے 1114 روپے کا اضافہ ہوگیا۔
سونے کے نرخوں میں اضافے کے نتیجے میں کراچی ،حیدرآباد ،سکھر ،ملتان ،فیصل آباد ،لاہور ،اسلام آباد ،پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر ایک لاکھ 2000 روپے اور فی دس گرام سونے کی قیمت بڑھ کر 87448 روپے ہوگئی ہے۔