چین کے آسمان سے کورونا وائرس جیسی شکل کی ایک ایسی چیز کی برسات ہوئی جسے دیکھ کر ہر فرد سہم کر رہ گیا۔
ڈیلی پاکستان کے مطابق چین میں کورونا وائرس کی شکل کی ژالہ باری ہوئی ہے جسے دیکھ کر لوگ دنگ رہ گئے۔
سماجی رابطوں کی ویب سائٹس پر بیجنگ کے رہائشیوں کی طرف سے لی گئی تصاویر میں برف کے ٹکڑے دکھائی دے رہے ہیں، جو کہ کورونا وائرس کے ذرات کی طرح ہیں۔
چین میں کورونا وائرس کی نئی لہر کے باعث تقریباً پانچ لاکھ افراد کو ووہان کی طرز کے سخت لاک ڈاﺅن میں رکھا گیا ہے۔ اس طرح کی عجیب و غریب ژالہ باری کے بعد لوگوں نے تصاویر بنا کر سوشل میڈ یا پر اپ لوڈ کیں اور کورونا وائرس سے مماثلت رکھنے والے اولوں کے دیکھ کر حیرانی کا اظہار کیا۔