ہینلی اینڈ پارٹنرز کی جانب سے دنیا کے مضبوط اور کمزور ترین ممالک کے پاسپورٹ کی نئی فہرست جاری کر دی گئی ہے جس میں سب سے طاقتور پاسپورٹ جاپان کا بتایا گیا ہے جبکہ سب سے کمزور پاسپورٹ افغانستان کا قرار دیا گیا ہے جس کا نمبر فہرست میں 109 پر شامل ہے۔
تفصیلات کے مطابق ہینلی اینڈ پارٹنرز نے نئی فہرست میں سب سے پہلا نمبر جاپان کا شامل ہے، اور اس کے پاسپورٹ کی طاقت کا اندازہ اس بات سے لگایا جاسکتا ہے کہ جاپانی شہری بغیر ویزہ کے 191 ممالک کا سفر طے کر سکتے ہیں۔ اسی طرح افغان شہری صرف 26 ممالک کا سفر بغیر ویزہ کے کر سکتے ہیں۔
نئی درجہ بندی کے مطابق پاکستان دنیا کے آخری پانچ ممالک میں شامل ہے یعنی پاکستان کے پاسپورٹ کا رینک 106 ہے، پاکستانی شہریوں کو 32 ممالک کا سفر کرنے کے لئے ویزہ کی ضرورت نہیں۔ اس فہرست میں سنگا پور دوسرے نمبر پر ہے اور اس کے شہری 190 ممالک میں بغیر ویزے کے جا سکتے ہیں۔ تیسرے نمبر پر جرمنی اور جنوبی کوریا براجمان ہیں۔
اس کے علاوہ یمن، صومالیہ، شام، افغانستان اور عراق دنیا کے کم سے کم درست یا ویلڈ پاسپورٹ کی فہرست میں سرفہرست اور انتہائی درست پاسپورٹ کی فہرست میں سب سے نیچے ہیں۔
درجہ بندی کے مطابق بھارت کے پاسپورٹ کا رینک 85 واں ہے اور اس کے شہری 58 ممالک میں بغیر ویزہ کے سفر کر سکتے ہیں۔ایران کے شہری 41 ممالک کو بغیر ویزہ یا آمد پر ویزا کی سہولت کے تحت سفر کرسکتے ہیں۔