متحدہ قومی موومنٹ کے سینئر رہنما فاروق ستار کی معروف ٹک ٹاک گرل حریم شاہ کے ساتھ ویڈیو منظرعام پر آگئی ہے۔ پاکستان کی مشہور سیاسی شخصیات کے ساتھ تصاویر اور ویڈیوز بنا کر شئیر کرنے والی ٹک ٹاک گرل حریم شاہ کی ایک مرتبہ پھر ویڈیو سامنے آئی لیکن اس مرتبہ ان کی ویڈیو ایم کیو ایم کے فاروق ستار کے ساتھ منظرعام پر آئی ہے۔
منظرعام پر آنے والی ویڈیو میں حریم شاہ اور فاروق ستار کو ایک دوسرے کے ساتھ بیٹھ کے تصاویر بنواتے ہوئے دیکھا گیا ہے۔
خیال رہے کہ متعدد بار تنقید کا نشانہ بننے والی حریم شاہ نے پاکستانی سیاست میں ہلچل مچائی ہوئی تھی جس کے بعد حکومتی حلقوں میں ان کا ذکر کیا جا رہا تھا۔ کچھ عرصہ قبل حریم شاہ کی حکومتی رہنماؤں کے ساتھ تصاویر اور ٹک ٹاک ویڈیوز سوشل میڈیا پر وائرل ہو رہی تھیں جس کے بعد حکومتی ارکان کو شدید تنقید کا سامنا کرنا پڑا تھا۔