کراچی میں سندھ حکومت کی جانب سے یہ کہا گیا تھا کہ جب تک حکومت کی جانب سے کوئی فیصلہ نہ آجائے تب تک کوئی بھی نجی اسکول نہیں کھولا جائے گا تاہم ایسا نہ ہوا اور بیشتر اسکول کھول لیے گئے۔
تفصیلات کے مطابق وزیر تعلیم سندھ سعید غنی نے شہر بھر میں کھولے جانے والے نجی اسکولوں کی رجسٹریشن منسوخ کرنے کا حکم دے دیا ہے۔
سعید غنی نے متعلقہ ڈپٹی کمشنرز کو اسکول انتظامیہ کے خلاف سخت اقدامات اٹھانے کا حکم دیا اور ساتھ ہی ان اسکولوں کی رجسٹریشن فوری طور پر منسوخ کرنے کا بھی کہہ دیا ہے۔
صوبائی وزیر تعلیم سعید غنی نے اپنے دفتر میں محکمہ تعلیم کے حوالے سے اجلاسوں اور یونیسیف سندھ کی چیف مس کرسٹینا سے ملاقات کی جس دوران کا کہنا تھا کہ 'تعلیمی اداروں کو 15 ستمبر سے کھولنے کا حتمی فیصلہ ایس سی او سی کے اجلاس میں کیا جائے گا'۔