شہرِ قائد میں مون سون کی بارشوں کا سلسلہ جاری ہے جبکہ محکمہ موسمیات نے چھٹے اسپیل کی پیشن گوئی کردی ہے۔
محکمہ موسمیات کا کہنا ہے کہ آج سے جمعرات تک شہر میں تیز ہواؤں کے ساتھ موسلا دھار بارشوں کا امکان ہے۔
کراچی میں 25 اگست بروز منگل کو گرج چمک کے ساتھ طوفانی بارش ہوسکتی ہے، جبکہ کراچی سمیت سندھ بھر میں 150 ملی میٹر بارش ہونے کا امکان ہے۔
تاہم روشنیوں کے شہر میں اربن فلڈنگ کا بھی خدشہ ہے، صبح کے وقت شہر قائد کا درجہ حرارت 30 ڈگری سینٹی گریڈ ریکارڈ کیا گیا جبکہ ہوا میں نمی کا تناسب 52 فیصد تھا۔
واضح رہے کراچی میں گزشتہ دنوں ہونے والی بارشوں نے شدید تباہی مچائی، متاثرہ علاقوں میں سرجانی ٹاؤن کو سب سے زیادہ تقصان پہنچا۔