تحریک انصاف کے رکن قومی سمبلی ڈاکٹر عامر لیاقت حسین براہ راست پروگرام کے دوران سو گئے جس کی ویڈیو سوشل میڈیا پر گردش کرتی رہی۔
تفصیلات کے مطابق نجی ٹی وی چینل کے ایک پروگرام میں اس وقت دلچسپ صورتحال دیکھنے کو ملی جب وہاں شریک پی ٹی آئی کے رکن قومی اسمبلی ڈاکٹر عامر لیاقت کو سوتے ہوئے دیکھا گیا، جب فوٹیج سامنے آئی تو پروگرام اینکر نے بھی ہنستے ہوئے ماتھے پر ہاتھ مارا اور چینل کو فوری طور پر عامر لیاقت کی لائیو فوٹیج ہٹاکر ان کی تصویر لگانا پڑی۔
بعد ازاں جب پروگرام اینکر نے سوال پوچھنے کیلئے بارہا عامر لیاقت کو پکارا لیکن ان کی طرف سے کوئی جواب نہیں دیا جس پر اینکر نے کہا کہ عامر بھائی شاید آج کام کر کے بہت تھک گئے ہیں اسی لئے سوگئے۔
خیال رہے کہ ڈاکٹر عامر لیاقت حسین ہمیشہ ہی کسی نہ کسی وجہ سے میڈیا کی خبروں میں نظر آتے رہتے ہیں۔