گزشتہ ہفتے شہر قائد میں طوفانی بارشوں کی وجہ سے سڑکوں کا حال اب تک پہلے جیسا نہیں ہوسکا ہے۔
حکومت کی جانب سے گجر نالے پر قائم تجاوزات کو ہٹانے کے لیے کاروائی کا حکم دیا گیا تھا جس کے بعد اس آپریشن کا آغاز کردیا گیا۔
اسی موقع پر ایک بوڑھی خاتون نے حکمرانوں سے ہاتھ جوڑ کر اپیل کردی کہ 'پہلے ہمیں مار دو پھر گھر گرا دینا'۔
خاتون نے آبدیدہ ہوتے ہوئے کہا کہ 'قرضہ لے کر بڑی مشکلات جھیل کر گھر بنایا تھا، پہلے بھی میرا گھر گرا دیا تھا، اب میں بیٹی کے گھر جاکر گزر بسر کرنے پر مجبور ہوں۔ گھر گرانے سے پہلے ہمیں ہی مار دو تاکہ ساری کہانی ختم ہوجائے'۔
واضح رہے تجاوزات ہٹانے کا کام تیزی سے جاری ہے، پہلے مرحلے میں نالوں پر قائم پتھارے گرائے جارہے ہیں جس کے بعد نالوں پر قائم گھر گرائے جائیں گے۔