سونے کی بڑھتی قیمتوں نے عوام کو سخت پریشان کر رکھا ہے، وہ افراد جن کی شادیاں ہونے والی ہیں، ملک میں سونے کی بڑھتی قیمتوں کے باعث سخت پریشان ہیں تاہم اس حوالے سے ایک اچھی خبر یہ سامنے آئی ہے کہ سونا سستا ہوگیا ہے۔
تفصیلات کے مطابق سونے کی فی تولہ قیمت میں 700 روپے کمی ہوئی ہے جس کے بعد فی تولہ سونا 1 لاکھ 14000 روپے کا ہوگیا ہے۔
ملک میں 10 گرام سونے کی قیمت میں 600 سو روپے کمی آئی ہے، جس کے بعد قیمت 97 ہزار 737 روپے ہوگئی ہے۔
صرافہ بازار جیولرز ایسوسی ایشن کے مطابق عالمی مارکیٹ میں سونے کی قیمت 15 ڈالر کمی کے بعد 1 ہزار 892 ڈالر فی اونس ہوگئی ہے۔