سعودی فلکی علوم کی سوسائٹی کا کہنا ہے کہ ربیع الاول کے ماہ کا آغاز بروز اتوار 18 اکتوبر سے ہوگا۔
تفصیلات کے مطابق سعودی عرب کی فلکی علوم کی سوسائٹی نے کہا ہے کہ فلکی حساب سے یکم ربیع الاول اتوار 18 اکتوبر کو ہوگا۔
سعودی ذرائع ابلاغ کے مطابق سوسائٹی نے بتایا کہ جمعہ 29 صفر بمطابق 16 اکتوبر کو شام 5 بجکر 56 منٹ پر چاند، سورج کے ساتھ ڈوب جائے گا۔ اسی رات 10 بج کر 31 منٹ پر چاند اور سورج آسمان کی ایک ہی منزل پر ہوں گے جبکہ اگلے دن یعنی ہفتہ 17 اکتوبر کو سورج شام 5 بج کر 55 منٹ پر غروب ہوگا، یہ وہ وقت ہوگا جب ربیع الاول کے چاند کی پیدائش ہوگی۔
ماہر فلکیات کے مطابق نیا چاند شام 6 بج کر 40 منٹ پر آسمان پر ہوگا۔
ماہرین کے مطابق اس اعتبار سے ہفتہ 17 اکتوبر ماہ صفر کی 30 تاریخ ہوگی جبکہ اتوار یکم ربیع الاول ہوگا۔
واضح رہے اس اعتبار سے پاکستان میں یکم ربیع الاول پیر یعنی 19 اکتوبر کو ہوگا۔