عدالت میں ججز سماعت کے بعد اپنا فیصلہ سنا دیتے ہیں اور اس کے ساتھ ہی وہ لکڑی سے بنے ایک ہتھوڑے کو زور سے مار کر آرڈر آرڈر کہتے ہیں اور یوں فیصلہ قلمبند ہو جاتا ہے اور کسی کی مجال نہیں ہوتی اس فیصلے کے خلاف بولنے کی۔
کبھی آپ نے اس بات پر غور کیا ہے کہا کہ ٹیکنالوجی کے اس دور میں بھی لکڑی سے بنے ہتھوڑے کو پہی استعمال کیا جاتا ہے آخر اس کو استعمال کرنے کی وجہ کیا ہے ؟ کیا اس کے پیچھے بھی کوئی سائنس ہے یا خفیہ راز۔
وجہ:
لکڑی سے بنے اس ہتھوڑے کو مارنے کی کئی وجوہات ہیں، یہ انگریزوں کے دور سے استعمال ہوتا آیا ہے ۔ اس کا آغاز انگلینڈ کی ایک عدالت میں ہوا جہاں کرائے دار اور مالک مکان زور زور سے لڑ رہے ہوتے تھے اور جج کو عدالت کا ماحول اور نظم و ضبط برقرار رکھنا ہوتا تھا جسکی وجہ سے وہ لکڑٰی کی ٹیبل کو زور زور سے بجاتے تھے اور بعد ازاں اسی کی مشابہت سے ایک لکڑی کا ہتھوڑا اور ٹیبل بنائی گئی جس کے بعد دنیا بھر کی تمام عدالتوں میں نظم و ضبط کو قائم رکھنے اور جج کی بات پر توجہ دینے کے لئے لکڑی کا ہتھوڑا استعمال کیا جانے لگا۔