کراچی: پاکستان کرکٹ ٹیم کے مایہ ناز آل راؤنڈر شعیب ملک اور بھارتی ٹینس اسٹار ثانیہ مرزا کے بیٹے اذہان کی خوبصورت ویڈیو سوشل میڈیا پر وائرل ہوگئی۔
تفصیلات کے مطابق کرکٹر شعیب ملک کی اہلیہ ثانیہ مرزا آئے روز سوشل میڈیا
پر اپنے ننھے بیٹے اذہان ملک کے ہمراہ مختلف ویڈیوز اور تصاویر شئیر کرتی ہیں جنہیں مداحوں کی جانب سے خوب سراہا جاتا ہے۔
بھارت کی معروف ٹینس پلئیر ثانیہ مرزا نے اپنے بیٹے اذہان ملک کی ویڈیو فوٹو اینڈ ویڈیو شئیرنگ ایپلیکیشن انسٹاگرام پر شیئر کی جس میں وہ والدہ کو دعا پڑھ کر سنا رہے ہیں۔
ثانیہ مرزا نے بتایا کہ اذہان نے یہ دونوں دعائیں 5 دن کے عرصے میں سیکھی ہیں، ان میں انشا اللہ بہتری آئے گی۔
انہوں نے کہا کہ انہیں اذہان پر فخر ہے، اذہان نے سونے سے قبل کی دعا بھی یاد کرلی ہے۔
ثانیہ مرزا کا کہنا تھا کہ ہمیں بیشتر وقت سفر میں رہنا پڑتا ہے، اذہان سفر کی دعا بھی یاد کرچکا ہے، وہ مجھے ہر گزرتے دن حیران کردیتا ہے، اس کی یادداشت بہت اچھی ہے، ماشا اللہ۔
واضح رہے کہ بھارتی ٹینس اسٹار ثانیہ مرزا پی ایس ایل کے پلے آف مرحلے کے میچز دیکھنے کے لیے پیر کے روز پاکستان پہنچی ہیں۔