سوشل میڈیا پر ایک انوکھی اور غیر معمولی شادی کی ویڈیو تیزی سے وائرل ہو رہی ہے جس نے صارفین کو حیرت اور تجسس میں مبتلا کر دیا ہے۔ ویڈیو میں ایک 90 سالہ شخص کو 25 سالہ لڑکی سے نجی طیارے کے اندر شادی کرتے دیکھا جا سکتا ہے۔
انسٹاگرام پر ایک معروف فوٹوگرافر نے اس شادی کی ویڈیو شیئر کرتے ہوئے دعویٰ کیا کہ انہوں نے برسوں میں بے شمار شادیوں کی عکس بندی کی ہے مگر یہ تقریب ان سب سے بالکل مختلف تھی۔ فوٹوگرافر کے مطابق یہ شادی زمین پر نہیں بلکہ فضا میں نجی طیارے کے اندر منعقد ہوئی جہاں دلکش انداز میں اصلی پھولوں سے سجاوٹ کی گئی تھی اور جوڑا بادلوں کے اوپر ایک دوسرے سے عہدِ وفا کر رہا تھا۔
ویڈیو میں دلہا کی عمر 90 سال جبکہ دلہن کی عمر 25 سال بتائی جا رہی ہے جس پر صارفین نے مختلف ردِعمل کا اظہار کیا۔ فوٹوگرافر نے اپنی پوسٹ میں لکھا کہ محبت کی کہانیاں ہمیشہ ایک جیسی نہیں ہوتیں اور بعض اوقات یہی انفرادیت انہیں ناقابلِ فراموش بنا دیتی ہے۔
ویڈیو کے وائرل ہوتے ہی سوشل میڈیا پر تبصروں کا سلسلہ شروع ہو گیا۔ بعض صارفین نے عمر کے غیر معمولی فرق پر حیرت کا اظہار کیا جبکہ کچھ نے مزاحیہ اور طنزیہ تبصرے کیے۔ ایک صارف نے لکھا کہ اب سارا دن باہر گھوم پھر کر دھوکا دینے کا امکان ہی نہیں رہا جبکہ ایک اور نے کہا کہ وہ آخرکار سیٹل ہونے کے لیے تیار ہو گئے۔