شوبز شخصیات اسلام کی خاطر اپنے کام سے کنارہ کشی اختیار کر رہی ہیں۔ با حجاب سپر ماڈل صومالین نژاد امریکی ماڈل 23 سالہ حلیمہ آدن نے بھی دینِ اسلام کی خاطر فیشن اور ماڈلنگ کو چھوڑ کردنیا کو حیران کردیا ہے۔
انہوں نے امریکی ریاست مینیوسوٹا کے مقابلہ حسن میں حصہ لیا تھا جس کے آخری رائونڈ میں حلیمہ نے حجاب کے ساتھ شرکت کرکے سب کو حیران کر دیا تھا۔
حلیمہ نے گزشتہ سال ایک انٹرویو میں کہا تھا کہ: '' مجھے ہر وقت حجاب کرنے اور جسم کو مکمل ڈھانپنے والے لباس پہننے پر مسلمان ماڈلز بھی تنقید کا نشانہ بناتی ہیں مگر مجھے حجاب پہننے میں سکون ملتا ہے۔''
برطانوی اخبار دی گارجین کے مطابق: '' حلیمہ آدن نے سماجی رابطے کی ویب سائٹ ٹوئٹر پر پوسٹ کیا ہے کہ فیشن اور ماڈلنگ کی دنیا کو چھوڑ کر دینِ اسلام کی تعلیمات کے مطابق زندگی گزارنے جا رہی ہوں''۔