فرانس میں حالیہ مظاہروں اور لوٹ مار کے واقعات کے بعد پیرس کی سڑکوں پر مہنگے لگژری برانڈز کے خواتین کے ہینڈ بیگز انتہائی کم قیمتوں پر فروخت کیے جانے کی ویڈیوز سوشل میڈیا پر وائرل ہوگئی ہیں۔
سوشل میڈیا پر گردش کرنے والی ویڈیوز میں بعض افراد کو لگژری ہینڈ بیگز فروخت کرتے دیکھا جاسکتا ہے، جن کے بارے میں دعویٰ کیا جا رہا ہے کہ یہ پیرس کی دکانوں سے مبینہ طور پر لوٹے گئے ہیں۔
ویڈیوز کے مطابق یہ ہینڈ بیگز اپنی اصل قیمت کے مقابلے میں 90 فیصد تک کم نرخوں پر فروخت کے لیے پیش کیے گئے ہیں۔
تاہم، ان بیگز کے چوری شدہ ہونے اور ان کی فروخت سے متعلق سوشل میڈیا پر کیے جانے والے دعوؤں کی آزادانہ تصدیق نہیں ہوسکی۔