کیا آپ کے علاقے میں بھی گیس کی لوڈ شیڈنگ ہو رہی ہے؟ اگر ہاں تو اس نمبر پر شکایت درج کروائیں

نومبر کے آغاز سے ہی کراچی کے کئی علاقوں میں گیس کی لوڈ شیڈنگ کا آغاز کردیا گیا تھا جو تاحال جاری ہے، تاہم سوئی سدرن گیس کمپنی کا دعویٰ ہے کہ کراچی سمیت سندھ بھر میں گیس کی کوئی لوڈ شیڈنگ نہیں کی جارہی اور پورے پریشر کے ساتھ گیس سپلائی جاری ہے۔

کمپنی کے مطابق کسی بھی علاقے میں شکایت کی صورت میں صارفین 1191 پر فون کر کے اطلاع دیں۔

تاہم شہریوں کی جانب سے روزانہ کی بنیاد پر گیس پریشر میں کمی کی شکایات سامنے آرہی ہیں۔

کمپنی کے ترجمان کا کہنا ہے کہ کراچی سمیت سندھ بھر میں گیس کی سپلائی بہتر ہے، 3 روز قبل سسٹم میں کمی واقع ہوئی تھی جس کے باعث کچھ علاقوں میں گیس سپلائی متاثر ہوئی تھی۔

ترجمان کے مطابق کراچی میں صنعتی علاقوں کو پورے پریشر کے ساتھ گیس کی ترسیل جاری ہے، صارفین سے گزارش ہے کہ اگر کسی علاقے میں گیس پریشر کم ہے تو شکایتی مرکز 1199 پر اطلاع دیں تاکہ سوئی سدرن کی ٹیم فوری مسئلے کو حل کرسکے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

1093