میراڈونا کے حالاتِ زندگی پر مبنی دستاویزی فلم ریلیز ہوتے ہی مقبول

فٹبال لیجنڈ ڈیاگو میراڈونا کے حالاتِ زندگی پر مبنی دستاویزی فلم ریلیز ہوتے ہی مقبول ہوگئی۔

 تفصیلات کے مطابق ارجنٹینا سے تعلق رکھنے والے فٹبال لیجنڈ ڈیاگو میراڈونا کے حالاتِ زندگی پر مبنی دستاویزی فلم ’میراڈونا کو کس چیز نے مارا‘ تیزی سے مقبول ہو رہی ہے۔

متعلقہ خبرلیجنڈری فٹبالر میرا ڈونا کی آخری رسومات کی ادائیگی کردی گئی

ارجنٹینا کےعظیم فٹبالر ڈیاگو میرا ڈونا کی آخری رسومات کی  ادائیگی کر...

یاد رہے کہ میراڈونا کا شمار دنیا کے بہترین فٹبالرز میں ہوتا تھا وہ 4 عالمی فٹبال کپ میں ارجنٹینا کی نمائندگی کرنے کا اعزاز رکھتے تھے۔

 یہ دستاویزی فلم 45  منٹ پر مشتمل ہے ، اس دستاویزی فلم میں دنیائے فٹبال کے عظیم کھلاڑی میراڈونا کی زندگی کا احاطہ کیا گیا ہے اور ان تمام لوگوں کو شامل کیا گیا ہے جو میرا ڈونا کے نہایت قریب رہے تھے۔

دستاویزی فلم کے مطابق غربت کے باعث ان کی صحتمند پرورش نہیں ہوئی تھی جس کی وجہ سے وہ بچپن میں جسمانی اعتبار سے مضبوط و توانا بھی نہیں تھے۔

میرا ڈونا کے قریبی افراد کا کہنا ہے کہ انہوں نے مضر صحت اشیا کا استعمال کرکے بھی اپنی صحت کو خراب کیا تھا۔

اس حوالے سے دستاویزی فلم میں اسپورٹس کارڈیالوجی کے پروفیسر نے کہا کہ مجھے شک ہے کہ باقاعدہ منصوبہ بندی سے ان کی رگوں میں کورٹیسون ڈالی گئی۔

خیال رہے کیونکہ کورٹیسون ناصرف جوڑوں کو نقصان پہنچاتی ہے بلکہ اس کے اثرات پورے جسم پر بھی ہوتے ہیں۔

واضح رہے کہ ’واٹ کِلڈ میراڈونا‘ یا ’میراڈونا کو کس چیز نے مارا‘ کے عنوان سے ایک دستاویزی (ڈاکو مینٹری) فلم بنائی ڈسکوری پلس پر دکھائی گئی۔

-->

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

59