پبلک پوچھتی ہے، خلیل الرحمان قمر ٹاک شو کیلئے تیار

ڈرامہ رائٹر اور ہدایتکار خلیل الرحمٰن قمر کو گزشتہ برس خواتین سے متعلق متنازع بیانات کی وجہ سے تنقید کا سامنا رہا تاہم وہ اب ٹاک شو کی میزبانی کریں گے۔

خلیل الرحمٰن قمر پاکستان کے نامور ڈراما نگاروں میں شامل ہیں جن کے لکھے ہوئے اکثر ڈرامے بہت زیادہ مقبول ہوئے جن میں میرے پاس تم ہو، بوٹا فرام ٹوبہ ٹیک سنگھ،، لنڈا بازار، صدقے تمہارے، میرا نام یوسف ہے، لال عشق، ذرا یاد کر، پیارے افضل سمیت دیگر شامل ہیں۔

اس کے علاوہ انہوں نے فلم ’پنجاب نہیں جاوں گی‘،آئندہ دنوں میں آنے والی فلم ’لندن نہیں جاوں گا‘کی کہانی لکھی جبکہ ’کاف کنگنا‘کی ہدایات بھی دی تھی ۔

گزشتہ برس انہیں سماجی مسائل اور خصوصی طور پر خواتین کے معاملات میں سخت لہجے میں بات کرنے پر متعدد مرتبہ تنقید کا سامنا بھی رہا اور اب وہ جلد پبلک پر سیاسی ٹاک شو کی میربانی کریں گے جو جلد نشر ہوگا۔

A post shared by Public News (@publicnewsdotcom)

پرومو میں انہیں یہ کہتے ہوئے سنا جاسکتا ہے کہ ‘پبلک پوچھتی ہے جہاں سوچ بریانی کی پلیٹ اور ایمان گھی کے ڈبے پر بک جاتا ہو، وہاں جمہوریت سچ مچ انتقام ہوتی ہے یا جمہوریت ہم سے انتقام لے رہی ہوتی ہے’۔

دوسری جانب عدنان صدیقی اور ہمایوں سعید نے اپنی اپنی انسٹاگرام اسٹوری پر خلیل الرحمان قمر کو ٹاک شو کی میزبانی کرنے پر مبارکباد بھی دی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

136