وفاقی وزیر تعلیم شفقت محمود پاکستان کی معروف اداکارہ تارا محمود کے والد ہیں، اور یہ بات جان کر صارفین کی حیرت کی انتہا نہ رہی۔
مائیکرو بلاگنگ ویب سائٹ ٹوئٹر پر شوبز نیوز نامی اکاونٹ نے باپ بیٹی کی تصویریں شئیر کیں اور بتایا کہ تارا محمود شفقت محمود کی بیٹی ہیں۔ جب پاکستانیوں کو اس بارے میں معلوم ہوا تو سوشل میڈیا صارفین نے حیرت کا اظہار کیا۔
سوشل میڈیا پر اداکارہ تارا محمود کی وفاقی وزیر شفقت محمود کے ہمراہ ایک اور تصویر وائرل ہورہی ہے جس میں وہ اپنے والد کو ان کی سالگرہ کی مبارکباد پیش کر رہی ہیں۔
واضح رہے کہ اداکارہ تارا محمود نے متعدد پاکستانی ڈراموں میں کام کیا ہے جن میں رسوائی،مجھے وداع کر،سیپ رومیو ویڈز ہیر اور سنو چندا شامل ہیں۔