پہلی بار مریخ کی سطح پر ہیلی کاپٹر پرواز کیلئے تیار

مریخ پر زندگی کی تلاش کے لیے کوششیں جاری ہیں، پہلی بار مریخ کی سطح پر ہیلی کاپٹر پرواز کیلئے تیار ہے ۔

ناسا حکام کے مطابق سرخ سیارے پر بھیجی گئی مشین کی جانب سے مثبت پیغام آیا ہے اور  اس کے تمام آلات درست طریقے سے کام کر رہے ہیں، مشین نے  بیٹریاں چارج کرنا شروع کر دی ہیں ۔

ناسا حکام کا کہنا ہے کہ اگر یہ پرواز کامیاب رہی تو مستقبل میں ایسی مزید پروازیں  اڑان بھریں گی ۔

خیال رہے کہ دو روز قبل مریخ پر زندگی کی تلاش کے لیے گئے ناسا کے خلائی روبوٹ روور ’پریزرونس‘ نے کامیابی سے لینڈ کی تھی۔

مشن نے خلا میں 12 ہزار میل فی گھنٹہ کی رفتار سے سفر طے کیا تھا۔ پریزروینس مشن پر 2 ارب 20 کروڑ ڈالر کی لاگت آئی۔ مشن کی لینڈنگ کا سگنل ناسا کو موصول ہونے میں 11 منٹ لگے۔

یہ بھی پڑھیں: 

ناسا نے مریخ کی سطح کی تصاویر بھی جاری کر دیں، مشن 249 ملین میل کا سفر طے کر کے اپنی منزل پر پہنچا ہے۔

چھ پہیوں والا روبوٹ دو سال تک گڑھے ڈرل کر کے ماضی میں مریخ پر زندگی کی موجودگی کے ثبوت اکٹھے کرے گا۔ 

جیزیرو کے بارے میں خیال ہے کہ اس میں اربوں سال قبل ایک بہت بڑی جھیل موجود تھی۔ اور جہاں پانی موجود ہو وہاں زندگی کی موجودگی کا امکان بھی موجود ہوتا ہے۔

مریخ سے پتھروں کے یہ نمونے 2030 کی دہائی میں زمین پر لائے جائیں گے۔ 


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

218