ڈیری کیٹل فارمرز ایسوسی ایشن پاکستان کی جانب سے گائے کے دودھ کی قیمت میں کمی کا اعلان، 88 روپے فی لیٹر فروخت ہوگا۔
تفصیلات کے مطابق ڈیری کیٹل فارمرز ایسوسی ایشن پاکستان نے گائے کا دودھ کم قیمت پر فروخت کرنے کا اعلان کیا ہے، اعلان کے مطابق اب دودھ کی قیمت 88 روپے فی لیٹر کر دی گئی ہے۔
دودھ کی فی لیٹر کاسٹ آف پروڈکشن بڑھنے اور مہنگائی کی ستائی عوام کی کی پریشانی کو مدِ نظر رکھتے ہوئے ڈیری کیٹل فارمرز ایسوسی ایشن پاکستان نے گائے کا دودھ بھینس کے دودھ کے مقابلے میں کم ریٹ پر بیچنےکا اعلان کیا جبکہ گائے کے دودھ کی آگاہی مہم شروع کرنے کا فیصلہ بھی کیا گیا ہے۔
ڈیری فارم ترجمان کے مطابق گائے کی فارمنگ کیلئے کوششیں کرنے والے عرفان آفریدی اور عامر ساکران کی جانب سے گائے کا دودھ آج سے 88.53 روپے فی لیٹر فراہم کرنے کا بیان جاری کیا گیا ہے جبکہ یہ دودھ فی من 3320 روپے دستیاب ہوگا۔
واضح رہے کہ عوام الناس کو کم قیمت پر خالص دودھ کی فراہمی یقینی بنانے کا عزم رکھتے ہوئے نیشنل بفیلو ڈے کے موقع پر ڈیری کیٹل فارمرز ایسوسی ایشن پاکستان نے گائے کے دودھ کی قیمت میں کمی کا بیان جاری کیا ہے۔