اپنی ذاتی زندگی کو پرائیوٹ رکھنا چاہتی ہوں، حنا الطاف

پاکستان شوبز انڈسٹری کی معروف اداکارہ و میزبان حنا الطاف نے کہا ہے کہ وہ اپنی اور آغا علی کی ذاتی زندگی کو پرائیوٹ رکھنا چاہتی ہیں۔

حال ہی میں حنا الطاف نے اپنے انسٹاگرام اکاؤنٹ پر اپنی ایک مداح کی گفتگو کا اسکرین شاٹ شیئر کیا جس میں مداح نے اداکارہ سے سوال کیا کہ آپ آغا علی کے ساتھ اپنی تصویریں سوشل میڈیا پر شیئر کیوں نہیں کرتیں؟

مداح کے سوال کا جواب دیتے ہوئے حنا الطاف نے کہا کہ ’بہت سے لوگ مجھ سے یہی سوال کرتے ہیں لیکن مجھے ذاتی طور پر نہیں پسند کہ اپنی نجی زندگی کو سوشل میڈیا پر شیئر کروں۔

اداکارہ نے کہا کہ اسی وجہ سے وہ اپنے شوہر کے ساتھ اپنی تصویریں سوشل میڈیا پر شیئر نہیں کرتیں ہیں۔

حنا الطاف نے کہا کہ ’جب آپ اپنی نجی زندگی کو سوشل میڈیا پر شیئر کرتے ہو تو جہاں تعریف ہوتی ہے تو وہیں اُس سے کہیں زیادہ افراد تنقید بھی کرتے ہیں۔

دوسری جانب اداکارہ نے کہا کہ میں یہاں کسی کو کوئی مشورہ یا تجویز نہیں دے رہی ہوں، سب اپنی زندگی کے خود ہی باس ہیں تو آپ لوگ وہی کریں جس سے آپ کو خوشی ملتی ہے۔

اس حوالے سے اداکارہ کا مزید کہنا تھا کہ ذاتی زندگی کو سوشل میڈیا پر شیئر نہ کرکے مجھے خوشی اور راحت ملتی ہے۔

 واضح رہے کہ گزشتہ سال جمعتہ الوداع یعنی 22 مئی 2020 کو چند عزیزوں کی موجودگی میں حنا الطاف نے معروف اداکار آغا علی سے نکاح کیا تھا۔

اداکار و گلوکار آغا علی کی جانب سے انسٹاگرام پوسٹ کے ذریعے مداحوں کو نکاح کی خوشخبری سنائی گئی تھی۔

-->

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

94