عمان کا پاکستان، بھارت اور بنگلادیش کیلئے فضائی سفری پابندی کا اعلان

عمان نے پاکستان، بھارت اور بنگلادیش کے لیے فضائی سفری پابندی کا اعلان کر دیا۔

غیر ملکی خبر رساں ایجنسی کی رپورٹ کے مطابق فضائی پابندی کا اطلاق 24 اپریل سے ہو گا۔

رپورٹ کے مطابق فضائی پابندی کورونا کیسز میں اضافے کے باعث لگائی گئی ہے۔

خیال رہے کہ اس سے قبل برطانیہ اور امریکا نے بھارت کو کورونا وائرس بے قابو ہونے پر ریڈ لسٹ میں شامل کر لیا ہے۔

بھارت میں کورونا وائرس کے روزانہ کی بنیاد پر ریکارڈ کیسز رپورٹ ہو رہے ہیں اور اب گزشتہ 24 گھنٹوں کے دوران تین لاکھ کے قریب کیسز سامنے آئے ہیں۔

گزشتہ 24 گھنٹوں کے دوران بھارت میں 2 لاکھ 95 ہزار سے زائد کیسز رپورٹ ہوئے ہیں جو وبا کے آغاز سے اب تک ایک روز میں سامنے آنے والے سب سے زیادہ کیسز ہیں جبکہ گزشتہ 24 گھنٹوں میں 2023 اموات بھی ہوئی ہیں۔

بھارتی میڈیا رپورٹس کے مطابق ملک میں مسلسل ساتویں روز دو لاکھ سے زائد کورونا کیسز رپورٹ ہوئے ہیں جس سے کل کیسز کی تعداد ایک کروڑ 56 لاکھ تک پہنچ گئی ہے جب کہ اموات ایک لاکھ 82 ہزار 500 سے زائد ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

71