غیرملکی میڈیا رپورٹس کے مطابق عالمی ادارہ صحت نے چینی کمپنی کی تیار کردہ کورونا ویکسین کے ہنگامی استعمال کی منظوری دے دی جوکہ ظاہر ہے کہ چین کے لوگوں ،چینی کمپنی اور چینی حکومت کیلئے فخر کی بات ہے ۔
لیکن حقیقت تو یہ ہے کہ پوری دنیا میں چینی ویکسین سائنو فارم کو عالمی ادارہ صحت کی طرف سے دی جانے والی منظوری سے پہلے ہی کئی کروڑ لوگوں نے اس کا استعمال کر لیا ہے ۔
مزید یہ کہ ورلڈ ہیلتھ آرگنائزیشن کی منظوری کے بعد سائنو فارم ویکسین کوغریب ممالک کو فراہم کی جانے والی ویکسینز کی فہرست میں بھی شامل ہونے کی اجازت ہوگی۔
دنیا میں آج تک جتنی بھی وبا ئیں آئیں ہیں ان میں پہلی مرتبہ عالمی ادارہ صحت نے کسی وبا کے خلاف چینی ویکسین کے استعمال کی اجازت دی ہے اور ڈبلیو ایچ او کی اجازت چینی ویکسین کے محفوظ اور اثر پذیر ہونے کا ثبوت ہے۔
اس کے علاوہ عا لمی ادارہ صحت کے سربراہ مسٹر ٹیڈروس کا کہناتھا کہ منظوری کے بعد ایس ای جی نے سفارش کی تھی کہ اٹھارہ سال سے زائد عمر کو لوگوں کو سائنو فارم کی دو خوراکیں لگائی جائیں۔
جبکہ اس سے پہلے عالمی ادارہ صحت نے مغربی دواساز کمپنیوں فائزر، ایسٹرا زنیکا، جانسن اینڈ جانسن اور موڈرینا کی جانب سے تیار کی جانے والی ویکسینز کے ہنگامی استعمال کی منظوری دی تھی۔