روس کے شہر کوسٹرووما میں ایک رہائشی عمارت کےتیسرے فلور پر آگ بھڑک اٹھی جس کے نتیجے میں بلڈنگ کے تیسرے فلور پر موجود گھر میں 3 بچے آگ لگنے کی وجہ سے پھنس گئے اور یہ بچے گھر کی کھڑی سے مدد کیلئے لوگوں کو پکار رہے تھے جس پر دیگر قریبی رہائشی بلڈنگز کے 3 افراد بھاگتے ہوئے آئے ۔
اور مذکورہ بلڈنگ پر لگے ایک پائپ کی مدد سے بلڈنگ کے تیسرے فلور کی کھڑ کی تک پہنچ گئے اور تینوں افراد نے اپنے ہاتھوں کی ایک زنجیر بنا لی اور ایک ہاتھ سے یہ تینوں افراد پائپ کو تھامے ہوئے تھے اور تیسرے فلور پر موجود ایک شخص ایک بچے کو اتار کر دوسرے شخص کو پکڑاتا اور تیسرا شخص پھر اسے با حفاظت نیچے کھڑی خاتون کے حوالے کر دیتا اور اسی طرح باقی 2 بچوں کو بھی بلڈنگ سے با حفاظت نیچے اتار لیا گیا۔
اس ویڈیو کے سوشل میڈیا پر خوب چرچے ہو رہے ہیں تینوں لڑکوں کی بہادر ی اور ہمت کی لوگ داد دے رہے ہیں جبکہ ایک صارف نے تو انہیں ہیرو قرار دے دیا اور ایک صارف نے تو حیرت کا اظہار کیا کہ جس پائپ پر یہ لوگ چڑھ گئے ہیں یہ اتنا مضبوط کیسے ہے اور یہ آسانی سے ٹوٹ سکتا تھا اور ان افراد کی جان بھی جا سکتی تھی۔
واضح رہے کہ اس واقعے کی ویڈیو قریبی رہائشی بلڈنگ میں موجود افراد نے اپنے گھر کی کھڑکی سے بنائی۔