امریکی ریاست مشی گن میں تربیتی مشن کے دوران ایف 16 جنگی طیارہ حادثے کا شکار ہوکر تباہ ہوگیا، تاہم پائلٹ بروقت ایجیکٹ کرنے میں کامیاب رہا۔
امریکی میڈیا کے مطابق پائلٹ ایف 16 طیارے پر معمول کی تربیتی پرواز پر تھا کہ دورانِ پرواز طیارے کو حادثہ پیش آیا۔ پائلٹ نے صورتحال کو بھانپتے ہوئے طیارے سے ایجیکٹ کیا اور بحفاظت زمین پر اتر گیا۔
حکام کے مطابق پائلٹ کی حالت بہتر ہے اور اسے طبی امداد فراہم کی گئی۔ حادثے کے نتیجے میں طیارے کو ہونے والے نقصان اور واقعے کی وجوہات کے بارے میں تاحال مزید تفصیلات سامنے نہیں آئی ہیں۔
امریکی حکام نے واقعے کی تحقیقات شروع کردی ہیں۔