دنیا بھر میں عالمی وباء کی وجہ سے ڈاکٹرز اور صحت سے تعلق رکھنے والے حکام اپنے شہریوں کو ماسک لگانے کی تلقین کررہے ہیں۔ جبکہ ماسک پہنا ہر انسان کا لازمی جزو بن چکا ہے۔
ایسے میں جانوروں نے بھی ماسک کا استعمال شروع کر دیا ہے۔ جی ہاں، یہ بات فرضی نہیں بلکہ سو فیصد سچ ہے۔ دراصل ہوا کچھ یوں کہ بھارت میں ایک بندر نے سڑک پر پڑے ماسک کو دیکھا تو فوراً اسے اپنے چہرے پر لگا لیا۔
لیکن ماسک کا سائز بڑا ہونے کی وجہ سے بندر کا پورا چہرہ ماسک سے چھپ گیا۔ جس سے بندر پریشان ہوگیا اور فوراً اتار دیا۔ مگر پھر سے ایک اور مرتبہ پہن کر بڑے فخر سے سینہ پھلا کر چلنے لگا۔
بندر کی اس حرکت پر مبنی ویڈیو سوشل میڈیا پر وائرل ہورہی ہے۔