گانے گانا اسلام میں حرام ہے ۔۔ طالبان نے موسیقی پر سخت پابندی عائد کر دی

موسیقی روح کی غذا ہے، یہ جملا آپ نے بہت سُنا ہوگا، مگر صرف ان لوگوں کے لئے جنہوں نے اس کو اپنا دوست سمجھ لیا ہے۔ ایک اسلامی ریاست میں ایسے اصول و قوانین کی ہر گز جگہ نہیں ہوتی اور اب طالبان نے افغانستان میں نئی حکومت قائم کرتے ہوئے وہ تمام اصول و ضوابط بدل دیئے جن سے اسلامی ریاست کا قیام ناممکن تھا ۔ ترجمان طالبان ذبیح اللہ مجاہد نے امریکی اخبار نیویارک ٹائمز کو انٹرویو دیتے ہوئے کہا ہے کہ: '' اسلام میں موسیقی حرام ہے، افغانستان میں موسیقی پرپابندی عائد کی جائے گی۔ لوگوں کو مجبورنہیں کریں گے بلکہ موسیقی چھوڑنے پرراضی کریں گے۔ خواتین کو تین دن سے زیادہ کا سفرکرنا ہے تو مرد سرپرست کا ہونا لازمی ہو گا، ماضی کو بھلا کر مستقبل تعمیر کرنا چاہتے ہیں۔ آگے بڑھ کر افغانستان کو ترقی یافتہ ملک بنانا چاہتے ہیں''