آج کل سالگرہ کے مواقعوں کو بھرپور انداز سے منانے کا ٹرینڈ چلتا ہے۔ لوگوں کی کوشش ہوتی ہے کہ وہ سالگرہ کے جشن کے مناظر کو یادگار منائیں۔
ایسی ہی ایک ویڈیو سوشل میڈیا پر وائرل ہو رہی ہے جس میں ایک شخص نے تین منٹ میں 550 کیک کاٹ کر ریکارڈ بھی قائم کرلیا اور اپنی سالگرہ کو یادگار بھی بنایا۔
یہ کارنامہ بھارت کے شہر ممبئی سے تعلق رکھنے والے سوریا راتوری نامی شخص نے سر انجام دیا جس دیکھ کر تقریب میں آئے مہمان بھی حیران رہ گئے۔
بھارتی میڈیا رپورٹس کے مطابق راتوری نے اپنی سالگرہ کے موقع پر 200 سے زائد افراد کو مدعوع کیا تھا اور اس تقریب میں موجود تمام افراد نے 550 کیک کٹنے کی ویڈیو بھی بنائی۔
اس منفرد سالگرہ منانے کی ویڈیو سوشل میڈیا پر کافی مقبول ہو رہی ہے۔